逆天奇案2結局篇｜劉佩玥大晒42吋逆天長腿搶Fo 獻出人生爆樽初體驗

由劉家豪總監製的《逆天奇案2》，昨晚（8日）劇情繼續峰迴路轉，Big Boss魏子樂（Big Boss飾）在精神病院被其他院友襲擊導致受傷，坐白車送院期間發生交通意外，瘋癲的子樂趁機逃走，偷偷前往尋找與太太尤麗撞樣的悠倩（劉佩玥飾），並把悠倩帶到地下密室「禁錮」。昨晚最搶焦場口，非身材高挑的Moon大晒逆天長腿莫屬！劇情講到身為爛賭婆的悠倩又在賭桌上輸清光，之後被疊碼仔Jimmy（袁鎮業飾）催還債，眼見悠倩冇錢還，Jimmy打算「抽水」當收息，機智的悠倩見情況不妙，出動逆天長腿搭在Jimmy身上並氹他玩「剝衫大話骰」，後來悠倩趁Jimmy去洗手間時企圖逃走，豈料被Jimmy識破，悠倩危急下拿着酒瓶扑暈Jimmy才成功甩身。

TVB官方社交平台釋出相關場口花絮片，原來今次是Moon人生爆樽初體驗，Moon與袁鎮業睇Playback時興奮得大嗌：「睇吓，爆得幾靚，都話咗一次搞掂啦！」袁鎮業同樣是首次畀人爆樽，他笑言：「都幾爽嘅，感覺好似頂頭鎚咁！」Moon還搞笑地分享爆樽心得：「打嘅時候唔好用個底打落去，同埋要有信心、唔好驚，最緊要被打嗰個唔係我！」42吋白滑長腿備受關注的Moon，曾大方分享保養美腿心得，她認為多做運動和多喝水，有助保持雙腳處於最佳狀態。