超強颱風 「樺加沙」殺到嚟！天文台最新預計，將於明日下午1至4時掛八號風球。不過，「澳牛」永遠都是「部署世一」，澳牛又一次展現「超前部署」的最佳典範喇！
澳牛再次「超前部署」｜一向有性格 果然係澳牛速度！
「澳洲牛奶公司」昨日在社交平台發文，表示：「為應變超強颱風樺加沙，我哋已提早部署好，9月23、24日及25日(例假)，共休息三天。大家作好防風、防水浸準備，一切安全為上。」
消息一出，緊係得到網民紛紛留言點讚，確實係架，呢個「超前部署」仲超前過天文台噃：「良心企業，祝福佢生意興隆。」、 「澳牛一向有性格，加上唔憂做，放2日假好閒😂。」
話雖如此，「唔憂做」同「超前貼心」是兩回事！網民繼續點讚：「澳牛響各方面一直都係世界第一😌😌，我話嘅」、 「澳牛型呀👍🏻佢管理層真係有人性。」、「真的是太超前啦哈哈！」、「永遠記得疫症嗰段期間，佢哋寧願唔開門🥹保護員工」。
有網民更加直點金句：「果然係澳牛速度！」、「另類宣傳」。
當然，亦有網民唱反調指，「星期三講到明10號波喎，同埋放風好快，關門都好正常啫。」、有網民笑指，「根本個老細都唔想返工。」
澳牛再次「超前部署」｜其他餐廳食肆超前部署
除了「澳牛」以外，多間餐廳、食肆陸續公布打風的「超前部署」，據了解，澳洲牛奶公司、彩福婚宴集團、糖水雄、和田市集等餐廳，將會在安排打風期間暫停營業。
資料提供：網上圖片