超強颱風樺加沙殺到！天文台公布，最快明日下午1至4時懸掛八號風球，我地班市民最叻係咩？咪就係「超前部署」去超市入貨呀！
搶菜搶糧食超市「崩潰」｜網民絕望：錢大媽得返啲大媽 所有菜肉都俾人掃曬
有觀眾向《東張》報料，天文台今日公布最新風暴消息，市面最快「反應」，一定要去超市！據該位觀眾提供的報料片段指，地點為筲箕灣惠康超市，片中看到市民超混亂，搶菜、搶肉、搶急凍肉丸，食糧簡直是「應有盡有」，市民的手推購物車更是「常滿」，有夠誇張！
當然，排隊付款都是排晒長龍啦。
事實上，街坊就「囤」購得開心，難為超市員工超崩潰，幾近大叫稱：「唔係打仗呀、打風咋！」
小編同時在網上看到一則帖文，有網民想着要買菜儲糧，直擊某菜店時絕望稱：「錢大媽得返啲大媽，所有菜肉都俾人掃曬」。
陰公豬。雖然超強颱風打到嚟乍，大家都要保持冷靜、冷靜、冷靜，重要的事講三次。
搶菜搶糧食超市「崩潰」｜「囤」購物資精彩 有網民聲稱要「儲電」？
巨颱臨近，多區今日已經湧現搶貨潮，有不少網民曬出網圖，瘋傳有人搶購糧食、即食麵、逾百枝樽裝水不在話下，「囤」購物資可謂精彩，更有網民聲稱要「儲電」？
咩料子，雖然颱風會導致停電是有可能的，但網民竟可以聯想到電都要儲？果然真心超前部署！