大家今日都要預備超強颱風樺加沙殺到！天文台最快今晚懸掛三號風球，而天文台亦都強烈呼籲，大家記得要鎖好門窗，購好膠紙貼窗防風呀！
好了好了！小編覺得今次個颱風確是勁的，「囤」購少少食糧是必要的。相信大家都會擔心巨颱會爆玻璃，所以市面已經形成了一片「搶膠紙潮」！
看到網民在社交平台threads發文，提醒大家記得要買定膠紙，還說「有啲地方賣晒啦！」
搶食糧仲要搶膠紙｜搶膠紙潮湧現 有啲地方賣晒啦！
的確無誇張！因為小編正正在另一篇在facebook「西環變幻時」帖文看到，今日有網民影到相，並說：「呢個富太太好利害，一次過買二十幾箱膠紙～」
等小編睇真啲，係噃，真的有二十幾箱膠紙，不過，會不會有特別用途，或者幫助其他有需要人士買呢？
正如正氣網民留言：「正常，香港商業大廈七、八成外牆，大門用玻璃做，向批發商訂都訂唔切，平時又唔會儲備咁多。」
「講得啱呀！呢啲好明顯幫公司或者學校買啦，好多老人院停晒送餐煮餐服務啲職員去買，幾百個公仔麵，都比人影上網笑啦，香港人寧願信人低能都唔信人做緊嘢。」（真係講得啱呀！小編點讚你！）
當然繼續有搞笑網民留言話：「睇見都笑死 」 、「轉賣，一卷賺十蚊 ！」、還有網民擔心對方安全：「驚佢比人打劫。」
計小編話，打風期間，大家安全最重要啊。
圖片來源：facebook西環變幻時、threads