東張西望報料|Party Room麻雀機設定出錯當壞機 客人被罵X客兼追收$500維修費

一名觀眾報料指,自己與朋友租用Party Room慶祝生日後,遭店方指控「擅自更改麻雀機設定」導致下一批客人無法使用,要求支付500元維修費,否則扣訂金。及後事主將事件於社交平台上分享,同樣引起大量網民留言討論,網民普遍質疑店方做法,甚至懷疑是「碰瓷」式收費。



店方指「設定被改」 要求客人回店處理

事主表示,當日與朋友租用某Party Room慶祝生日,期間使用店內麻雀機,並在中途關機用膳,之後重新開機繼續遊戲,過程一切正常。事主強調:「我哋total開咗嚟玩兩次,中途食飯熄咗,後尾開返都係正常運作,臨走之前都係好似食飯前咁熄機。」

然而,離開後店方透過訊息通知,指麻雀機設定被更改,導致下一批客人無法使用,要求事主回店「自行修復」,否則扣訂金。事主與友人隨即折返,惟到達樓下時,店方稱「樓上有客人唔上得去」,並表示將安排合作技術人員翌日維修。事主擔心「被誣陷」堅持上樓檢查,最終在獲得店主及現場客人同意後進入,發現設定確有異動,但麻雀機運作正常。



店方堅持收維修費 事主要求證據遭拒

事主指,檢查後店方仍堅持「因設定異動導致故障」,要求支付500元維修費。事主翻查店方條款,發現僅列明「損壞需賠償」,並未涵蓋「設定異動」情況,遂要求店方提供閉路電視片段證明,卻遭拒絕,僅獲一張截圖。事主質疑:「咁係咪當我哋水魚呃訂金?」。


更令事主不滿的是,與負責人通話期間,對方在爭辯過程中單方面掛線,令事主感到「溝通完全失敗」。

更吊詭的的是,當有新客人向店方查詢Party Room情況時,竟收到店主回覆:「主要係setting 未較好,但都可以玩到。」,更令網民確信麻雀機並未損壞,事件單純是店主「碰瓷」式收費。



網民質疑「屈錢」 :唔識set就唔好買嚟比客人玩

事件引發大量網民留言,普遍質疑店方做法。有留言直言:「擺明係屈,打開麻雀嘅都知麻雀機嘅mode純粹係牌數唔同,係場主自己唔識較番做平時個mode姐。」亦有人諷刺:「唔知以為張麻雀枱好高科技,嚟嚟去去都係果幾粒制,唔識set就唔好買嚟比客人玩。」

另有網民指出:「明明你想上去整嘅時候,第二個客都用到。咁佢一開始話用唔到就係講大話,想屈人$500,好等錢洗?」更有人懷疑店方「屈幾個客又淘到張新嘅麻雀枱,生意唔係咁做嘅」。


店方:真係未見過咁樣嘅X客

店方其後在社交平台回應:「唔好意思,我係店主,真係未見過咁樣嘅 X 客,我哋平時都好好咁樣接待客人,但係因為部機嘅 setting 搞軭咗我哋下一台客人用唔到,我先會收返佢哋$500按金。」



店方:真係未見過咁樣嘅X客


相關文章:

東張西望報料|公務員夫攜妻北上疑詐病偷食爆煲 網民:捉姦現場喺正隔離房

東張西望報料|港鐵巴士驚現冒煙背囊惹爆炸疑雲 司機檢查後繼續行車

東張西望報料|上水花園無牌小販霸地「非法經營」擺檔 市民報料:好離譜

東張西望報料|元朗山下村「煙花大會」彈花周邊汽車 東張求證警方:1男當場被捕

東張西望報料|元朗山下村停車場非法搞「煙花大會」 村民:彈花晒啲車

東張西望報料|尖沙咀街頭驚現「情侶衝突」女生被男友爆粗篤頭 網民齊譴責