食完飯意猶未盡，當然要吃吃糖水！不過原來有不少顧客，可能吃糖水吃得太盡興，收多了錢都不知道啊！
是咁的，點解咁講呢，其實背後有一段故事。尖沙咀某間糖水店，在社交平台Threads發出公告，內容撮要如下：「各位於10月1日至10月27日，來過尖沙咀XX的食客請注意，因為本店有位男同事手腳唔乾淨，向八達通，支付寶，或微信支付收費時，會向金額上加多$100，然後收工前，取回多出的金額。
本店已經即時解僱了該同事。如果呢段期間，你地有來食過，並懷疑畀多咗錢，可致電或whatsapp XXXXXXXX對單，如確實後，會馬上退回有關款項，本店非常抱歉有關收多咗嘅錢，已知有關蠱惑收費大概有50單左右。」
原來這樣！不知涉及收多了錢的顧客，有沒有看到上述留言呢？
糖水店好人好事｜網民妙論：想搵金主 可以試吓嚟碰吓運氣
網民有乜感受呢？普遍都讚老闆有擔當的，不過亦有不少網民錯重點，反而覺得，原來有頗多食客，完全不知收多了錢，果然夠豪爽呀吓！
「自己蝕底，都願意貼返比客人！好店鋪！祝你越做越有！」
「電子交易一trace就查到，根本無得走。」 、「用商業戶口電子支付，會落到格咩？」、「搞咁多嘢先偷到5000蚊 😂😂叻仔」。（嗱嗱嗱，謝絕幸災樂禍呀！）
這個網民好清醒：「建議店主可以check埋有冇落咗單之後，俾手腳唔乾淨嘅人取消返張單。因為如果個客係俾現金，佢就可以直頭袋哂啲現金走🙂↕️ 」
大家開始轉風向了：「扣多100都冇留意😂 」、「都幾多人揸林寶，Ben跑黎食。」
「如果想搵金主，可以試下嚟碰吓運氣 。」
騙徒手法確實層出不窮，慘被自己公司的員工「落格」真是慘豬，慶幸糖水店老闆有膊頭有擔當，少少損失，當破財消災！
小編相信好人好事的，良心食店，老闆加油！