香港人經常依賴巴士作代步交通工具，原來也有不同的風景！大家如果想說聲感謝，大可以參考以下這位，被城市耽誤了的畫家！
網民近日在社交平台Threads上載暖心照片，原來人氣卡通人物CHIIKAWA「吉伊卡哇」驚現在巴士車窗！有人在車窗細心的畫上幾隻CHIIKAWA系列的公仔人物，不忘寫上：「感謝禮讓」，究竟是乘客抑或司機「畫家」的傑作呢？
如樓主所說：「經過見到，邊個咁有心畫，成件事好cute!」小編直頭覺得，城市中有點點暖啊！
乘客在巴士車窗畫CHIIKAWA｜網民錯重點：記得洗車 要經過幾大風塵先畫到！
樓主似乎都是這條巴士的慣性乘客，之後還特意提到，巴士車窗「有新款」！同樣是寫上「感謝禮讓」，暖心加分！亦有網民上載了某位巴士司機座位上的相片，同樣發現CHIIKAWA公仔蹤影。
不過，其他網民搞笑地錯重點，紛紛關心巴士的清潔度：「記得洗車🤣 」、抑或是畫作太美麗，「記得唔好洗車 」呢。
這位網民激動又爆笑：「又話晚晚會返車廠洗車嘅， 點解咁污糟，污糟到仲可以畫畫❕️❔️🤔 」
「跑隧道嘅車，唔使兩轉就可以咁污糟。」、「係咪得我一個覺得巴士好污糟 。」
「究竟要經過幾多風與塵先做到😂」
返返來CHIIKAWA到先啦：「呢架車應該好多人讓🫶 。」、「勁可愛！😍 我一定讓！」（小編見到CHIIKAWA都想讓啊！）、「好靚喎。」、「好有心」。
「下次要畫小新嗰半邊屎忽先得🤣 」
圖片來源：Threads