網購實在太方便，港人想足不出戶，外賣習慣已成為了生活日常。滿心期待豐盛的外賣大餐，失望透頂，全因為一個山寨外賣盒包裝！乜Mood都無曬。
有脆友近日在社交平台Threads發文配相，相片中只見一塊完整的薄餅外賣，應該是一間土耳其餐廳出品。不過亮點，卻是薄餅上配有較為山寨的外賣盒，看似更是某隻飲用水牌子用過的紙皮盒，還要是用紙皮的外露面，充當外賣盒改砌而成的！
難怪樓主非常無奈指：「係咪傻㗎？俾塊垃圾紙皮我當外賣盒。」
又真的幾趕客的，原本肚子餓到打鼓，現在，食慾全飛。
外賣薄餅驚現垃圾紙皮外賣盒｜網民揶揄：好有印度風味 唔用報紙咪偷笑
帖文一出，網民蜂擁留言，令樓主苦笑：「多謝晒，我人生最紅就係個pizza😂！」
網民跪求開店名之餘，仲有咩講呢：「 多謝支持環保。」、「景田水，優秀。」、「新香港，新食法。」
「景田特別版，期間限定🤭」、「咁有創意😂」、「好X癲喎 😂😂😂」
網民又來人間清醒了：「原本餐廳個外盒係邊😂」（你又啱噃，還我原裝餐廳薄餅外盒！）
「印度食品咁嘅款！」、「中東料理不意外。」、「好有印度風味，唔用報紙咪偷笑」。
「真係幾癲，不過平台一定會賠錢，食安問題佢地仲驚過你🤣」
再看看樓主的原文，據了解事件後續，是外賣平台為表歉意，送上一張30元現金券及退款處理，完。
圖片來源：Threads