近日新蒲崗彩虹道休憩處一棵大樹，竟成為「鼠界遊樂場」。影片顯示多隻老鼠在樹幹、樹根間竄動，場面驚人。街坊直言「嚇到女仔嗌救命」，更有人形容「好似動物大遷徙」。
《東張+》收到多人報料提供影片，據影片所見，多隻老鼠在樹上上下爬行，甚至在分枝處「交頭接耳」後再分散走動。附近更設有兩個「鼠餌站」，但情況未見改善。街坊表示，自上月起已頻繁見到老鼠出沒，部分體型大如手掌。
而該則影片亦引起網民討論，大家在社交平台留言反應熱烈，有人戲謔：「新蒲崗老鼠嘉年華，門票免費，仲有現場表演。」，亦有人打趣：「比迪士尼更刺激，仲無排隊。」；有網民則憂心：「鼠患咁嚴重，唔知幾時會跑入屋企。、「政府滅鼠計劃，最後可能係砍樹。」。
雖然不少留言帶有幽默，但背後仍反映市民對公共衛生的憂慮，有人表示，「呢個係王仲銘中學對面巴士站，後面嗰個公園呀仲誇張，啲老鼠多到不得了，啲老鼠其實唔係住喺樹上面，佢哋通常會住喺啲樹根下，佢會沿住啲樹根挖空地下做地洞；老鼠嘅生育能力係太恐怖，一隻一年可以變100隻。」