宏福苑奪命火已經第八日，死者已矣，苦中一點甜的事，有不少生命奇蹟，人性的光輝，依然會在災場閃耀着。
寵物主人push_up_b_r_a早兩天在社交平台Threads發致謝文，感謝消防員當日無私拯救了家中寶貝，一隻15歲的狗狗。寵主還節錄了與該位消防員的節錄對話，人間有愛，感動無限寵主。
樓主發文：「11月27號 與消防員先生的對話，感激你救返Jason，多謝你哋用你哋嘅生命去救我寶寶。」
看了樓主與消防員的節錄對話，原來消防員救了樓主狗狗Jason之後，很有交帶的告知狗狗安全，還提到Jason「初頭好驚，慢慢抱佢逗佢，最後佢好配合入籠。」
該位救狗消防員還說，當時Jason「牠好努力叫我哋開門，聽到聲之後確認有動物，於是我哋入去救佢。」
還寄語：「生命得來不易，希望大家可以繼續相愛相惜。」樓主聽到狗狗獲救過程後無不感動，「千言萬語，都唔夠形容我對你哋救命之恩的感激。」
每個字句，好有溫度和份量。
消防員搞笑送上小插曲：「開頭唔知叫咩名，見到你幅牆上面貼咗張memo寫Jason仔，我就估佢叫Jason，叫多幾次佢個名，佢慢慢走嚟我隻手度，我哋對佢好溫柔。」
寵主不忘跟消防員報平安，「Jason好精神，好開心。」
無私消防員拯救15歲狗狗｜網民：消防員勁醒 咁危亂都留意到屋企memo
消防員溫柔又無私的救狗舉動，感動無數寵主，更不忘大讚Jason叻仔！
「自己都有養poodle ，睇到你嘅post都會不自覺代入自己隻狗仔，已經喊到…😢 幫我代錫一啖又叻又乖嘅jason仔😘。」
「咁危亂都仲留意到屋企memo 紙 & 氹一隻受驚嘅狗😭。」
「消防員勁醒目，咁嘅環境都留意到張memo 紙，Jason好叻，知道有人嚟救佢，大家都要保重 。」
有網民打趣留言：「點解剛剛用條命去救火救人救動物嘅男士，可以溫柔到咁？真心問，係點解？」
樓主，請代答！
「致消防員們，你哋救嘅唔只Jason嘅生命，仲救埋我嘅靈魂。」
圖片來源：push_up_b_r_a@threads