香港人樂於助人，日前街頭就發生一宗好人好事！沙田一名後生仔在街頭突然流鼻血，於手足無措之際，獲得好心司機冒抄牌風險停泊雙黃線出手相助，事件獲得網民大讚。
好心司機冒抄牌風險出手助人
一名好心司機在網上發帖文及影片，分享自己的助人經歷。他指，自己周三（12月10日），在沙田沿沙田鄉事會路一帶行駛，停泊燈位時，看到近好運中心突然出現「無頭人」，其後發現一名後生仔滿臉是血，其後於心不忍，行走20分鐘後再回到原地停車協助。
該名好心司機說，「我揸車到隔離一望過去，嘩X！個後生仔全面血，我就由沙田去大圍去車公去沙田番去，點知成20分鐘佢仲企左係到，仲要無人係身邊幫手，逼住停係雙白落車比紙巾同水，睇睇佢。」
好心司機又指，後生仔表示自己「過馬路就突然流鼻血」；司機又說「我起初仲以為佢比人打完，最後叫咗路人妹妹幫手睇住。希望你無事同去睇下醫生。」
事主網上發文感謝司機相助
其後，相信是事主的人亦在網上發文，表示當下幸好有人幫忙，事主稱，自己小時候被同學用頭撞過鼻，自此較易流鼻血。他又說已沒有大礙，「放心我嗰時其實冇咩事，我只係想知道邊度有水可以清潔下鼻」。事主又感謝好心司機，「感謝幫忙。我身上冇水都冇紙巾，如果冇人幫我，我應該要企多廿零分鐘左右？」
網民一致讚好：香港人很有愛
事件引起網民一致讚好，「呢個先係我玩threads想睇嘅嘢」、「香港呢個地方唔好，但香港人真係好好 .. 很有愛」、「師兄幾靚仔又好人」、「謝謝你嘅幫忙，好人有好報」、「樓主真係好好人」、「好在有您，平安」、「送上祝福」、「好人好事」、「好人一世平安」、「功德無量」、「謝謝呢位先生伸出援手，好人真係會一世平安架」。