開開心心食壽喜燒，豈料，烚吓烚吓，今次真的「燒着了」！有脆友正值吃壽喜燒之際，竟然出現微着火情況，更不覺意燒着了餐廳點餐單，燒爛埋張單點算好？
脆友dontknowjees放上自家親身經歷到Threads，並真心求救道：「急！！求救！！食XXX(餐廳名)燒爛咗張單，點埋單？」
看一看短片，一鍋壽喜燒暖笠笠地「熱着」，樓主再寫上：「我差啲燒爛嘢！」原來壽喜燒小gas爐的熱力，令桌上的單據小瓶都輕微燒燶了！雖然片段中沒有火舌，但小瓶內的單據，已經燒爛了，幸好沒有釀成小火警，都幾驚險。
餐廳食壽喜燒微着火｜網民分享燒着過的東西簡直「應有盡有」
網民看到片段有乜感想？「你真係好強。」、「你無燒爛野，嗰張係熱感紙嚟！」完。
呢位網民勁爆破解答：「同收銀講，我燒咗比你了。」、「呢餐唔使錢。」
原來有其他網民有類似經歷：「早兩日食隔籬枱都係咁，我哋即刻搵個蓋幫佢冚住，最後張單燒到灰飛煙滅。」（咁誇張？！）
「我係燒著咗張紙巾。」
「我前日都燒燶咗人地條匙羹😂。」
原來不少網友都試過壽喜燒着火，燒着的東西更有杯、碗、筷子等等，嘩，大家要注意安全噃！
影片來源：dontknowjees@Threads