大埔宏福苑歷劫世紀大火，令香港人、大埔人送暖及時，更懂得愛。聖誕節前，有大埔區「校巴」之稱的71K巴士司機，透過Facebook「大埔 TAI PO」專頁，希望尋回浸信會幼稚園上午班小朋友的幾位小小乘客，送上聖誕小禮物。終於，日前傳來今年聖誕最令人動容的消息，聖誕禮物已經成功送上，還有滿滿的愛。
大埔人，真的好有愛。全靠一群愛護宏福苑災民，愛護大埔的網民大神們，「71K司機叔叔」的暖心post一呼百應，「尋浸信會幼稚園上午班家長mode」，一呼百應，極速成功，搞掂！
「71K司機叔叔」成功化身聖誕老人送暖｜感動無數大埔人：水晶巴士係聖誕鹿車好感動！
在平安夜當晚，「71K司機叔叔」再於同一群組分享窩心好消息：
「好多謝各位大埔網友驚人嘅速度🙏，琴晚即時約到呢班小朋友出嚟食晚飯！🥰聖誕禮物成功親手交到小朋友手上，我哋傾得好開心，玩得好開心。🥰🥰」
司機叔叔又感動形容這是「HAPPY ENDING，最後要鳴謝水晶巴士免費借出，比我地安全送所有小朋友回家。祝各位網友聖誕快樂！🧑🎄🎄⛄祝願宏福苑所有災民早日走出傷痛，盡快適應新生活！💪💪」
一班小朋友、家長連同好有愛的司機叔叔，在水晶巴士度過了溫馨的平安夜，司機叔叔不忘謹記「安全送所有小朋友回家」，並「祝願災民盡快適應新生活」，感動無數大埔人，車長的暖心行徑，獲網民大神激讚！
「呢份聖誕禮物好感動呀😭😭😭」、「71K大埔街坊線來講，係最照顧小朋友同老友記。」
「杜生，祝福你和家人聖誕快樂🎄永遠幸福平安🫶🏻，好多謝你俾呢個社區嘅愛，好感動❤️。」
「巴士哥哥真有心！祝你和小朋友聖誕快樂🎄全大埔街坊朋友聖誕快樂🎊。」
「巴士叔叔多謝你咁有愛🥹送暖行動成功😻超warm😻! 睇到好滾動忍唔住眼濕濕，多謝🥹。呢個行動對佢哋嚟講，係一個好有意義好開心嘅快樂聖誕🥳！」
「勁！仲要出動到水晶巴士。」
「多謝你❤️成件事好感動，係近期大埔人嘅苦中一點甜，祝所有大埔人都聖誕快樂🎅🏻🎄🎊」
「一路都知大埔友好有愛，真的估不到可以咁有愛，超乎想像～聖誕快樂～」
「成件事都CLS，暖心到叔叔我係屋企居然有貓砂吹入眼，聖誕快樂🎅」、「我簡直覺得71k巴士叔叔 (杜先生) 係現代版嘅聖誕老人，水晶巴士係聖誕鹿車。成件事真係好感動！」
「2025年最感動嘅故事🥹好勁呀!」、「香港點變，人情仍在。」
「71K司機叔叔」成功化身聖誕老人送暖｜巴士公司發文公開表揚車長
巴士公司日前亦於facebook專頁發文讚揚車長，「車長有愛，大埔有愛感謝這位暖心車長用心關懷每一位乘客，喺節日帶嚟更多溫暖」。
圖片來源： Facebook「大埔 TAI PO」專頁、九巴Faceboo專頁