網購是常事，天天收件、取件，生活日常是也。當你萬分期待派件，但打開信箱，驚見心愛的包裹被「暴力摺埋」兼硬塞信箱！網友陳述，包裹還包着幾層厚厚的泡泡紙，咁都摺得埋？
脆友muimuipiggy在社交平台Threads崩潰發帖文，並tag了「香港郵政局」，稱「我件貨mola！」
樓主還原事件經過：「Hong Kong Post郵差，點解可以將一件大約A2 size本來完整包裹，夾硬暴力屈埋對摺幾次，再塞入信箱🤬。（包哂幾層厚泡泡紙，要摺埋都唔易，擺明係物品，唔係信或文件）。
一向就算上門派件無人收，都會留張通知卡在信箱，再去郵局取件。原來而家可以亂咁嚟！」
樓主附件圖片一張，遠看包裹就像枕頭一般，摺埋了，可憐又超重地塞進信箱內，確實有點奇怪。
取件驚見包裹「暴力摺埋」兼硬塞信箱｜網民震驚鬧爆 人人分享取件中伏經歷
帖文一出，原來不少網民表示有類似經歷，不是嘛，大家都感同身受地留言，鬧爆郵差叔叔此舉做法不當。
「我有幾次掛號，明明屋企有人佢都無上來，就直接入卡叫我自己去郵局拎！」
「Speed post正常應該要簽收。」、「Oh shit，希望唔係貴重物品，會唔會有得投訴 😓😓 。」
「我最近收一件仲勁，（EMS）件明明屋企有人有門鐘，唔禁鐘，就咁響門口大叫收件，好彩我聽到，開門見佢一早準備咗張卡，收咗貨仲好意思叫我幫佢掉張卡，呢家啲郵差咁Hea！」
「香港郵政好正㗎，我住錦上路村屋，試過份件明明話派送中，等咗成日都無影，跟住發覺地下郵箱有張卡，話因無人接收，要我到郵局拎，已經唔只一次，屋企明明有人，但佢地都扮無人認門。 」
「真係要投訴，香港郵政真係越嚟越垃圾。」、「已經勁多人投訴過好多次。」
「明明屋企有人都要放張卡去郵局拎🫠 。」
「我試過人哋寄張證書俾我，佢都係咁樣摺到我張證書皺晒🥹，勁傷心！嗰張仲要係得獎證書嚟🥲🥲 。」
不過，也有網民質疑樓主本身信箱設計有問題：「唔係話唔信你，但係我想像唔到信箱門鎖埋咗之下，可以將件嘢塞入去變成呢個狀態，介唔介意示範一下？ 」
「你個郵箱無鎖？ 咁大件佢點樣有個窿嗰度塞入去？ 」
嘩，原來人人都有中伏經歷，好慘呀！
圖片來源：muimuipiggy＠Threads