今時今日，不只人要做惡霸，鴿也要當惡霸！網民上載片段，目測近十隻飢餓的鴿鴿，上演一場群鴿共舞。在九龍公園不知是否看到有男童的麥當勞套餐太吸引，來一招「強搶」圍攻，幾秒之下將美味套餐解體！小朋友看到心愛美食歸零，只能茫然抱頭，超無奈。
脆友sweethxm0428在社交平台Threads發片，引來極大迴響。樓主配文：「九龍公園惡霸😅，擅自投餵犯法，請問🐦搶劫點計？」樓主還抵死為小朋友配文：「bro？Is this right？」
看看片段，這群群鴿非常猖狂地搶食！目測片段中有近十隻鴿，爭相狂咬男童放在桌上待吃的麥當勞套餐，還要幾秒之間解體成功。殘餘食物，飲品掃得一地都是，不只畫面來得震憾，桌上四周還非常污穢。
不過，餐廳各人好像對此情此情見怪不怪，還是一臉「淡定哥」，即使坐在群鴿旁的女生，也是「淡定姐」上身，無奈吃着包。應該只得麥當勞餐的主角男童，抱着頭一臉無奈兼O嘴。
惡霸群鴿強搶麥當勞餐掃落一地 ｜網民震驚：勁恐佈！明明係啲鴿打劫
帖文一出，成功變成流量密碼之餘，網民們不禁大吃一驚。
「麥當勞係唔係應該賠返比個客？佢哋嘅場地唔可以帶任何除人類以外嘅生物進入，而家有咁多鴿搶客人嘅食物，係佢哋管理不善... 」
絕對認同，最後小朋友有無一個新的套餐吃呢？
另有目擊者分享當時情況：「當日我坐隔離枱，有一隻做先頭部隊，先搶一條薯條，個妹妹嚇親起身離座，下一秒就已經係片入面嘅狀況。」
「我都係第一次見人用麥當勞餵鴿 。」、「明明係啲鴿打劫🤣」。
「唔係餵，係明搶。」、「好兇狠，真係好慘，小朋友無得食。」
「有見過工作人員趕，但多數都理唔到咁多，同埋都幾慘，成日要清理戰場。」
「啲鴿鴿都係太肚餓😢😢😢」
惡霸群鴿強搶麥當勞餐掃落一地 ｜網民分析是禁止餵鴿的後遺
網民分析是禁止餵鴿的反效果：「睇嚟白鴿食野，變成咗流量密碼 😅但其實呢個畫面，正正係『單純禁餵』造成嘅反效果。」
「搵食啫，又唔比人餵，佢地肚餓要搵野食，睇開啲當做善事啦 。」、「佢哋根本好難搵食，佢哋嘅生活都好慘！」
影片來源：sweethxm0428在社交平台Threads