「三色豆之亂」突襲小店！對於普遍廣大市民來說，三色豆兵團如臨大敵！不過，本地一間小店近期推出平價「三色豆拉麵」，餐廳更自稱是「全觀塘最自由嘅日式拉麵」，原來是讓客人可以自由配搭湯底和菜。不過，「三色豆拉麵」一出，網民似乎一秒崩潰，多過有興趣勇試噃！
Threads社交專頁thisthis_ramen_kt近日推出一項全新拉麵單品，更搞笑稱「不是店長推介」的「三色豆拉麵」，盛惠38元！
「你可以唔食，但你一定要請朋友食！三色豆拉麵-$38。到底會係好味勇者塔定劣食勇者塔，就要靠大家自己嚟試啦！自己拉麵自己揀，可能係全觀塘最自由嘅拉麵，多款餸菜／配料自由配搭，做出獨一無二嘅拉麵。」
該日式拉麵小店的「三色豆拉麵」，聲稱可以自由配搭，拉麵吃法非常自由；餐廳有趣地向網民打賭，到底是「好味勇者塔」還是「劣食勇者塔」呢？
不過，對於聞「豆」秒走的香港人來說，即使豆豆在拉麵湯上顯得顏色繽紛，可能還是要超大膽博一鋪了。
小店推另類口味平價「三色豆拉麵」｜ 三色豆厭惡者視覺味覺衝擊
不出所料，「三色豆拉麵」一出，豆豆厭惡者視覺味覺衝擊，一秒崩潰，不過還不失禮貌，哭笑不得地留言！
「而家，即刻，攞住你嘅廚餘，離開地球」！
「請你帶住呢碗三色豆拉麵離開呢個世界」、「滾出地球，立刻！ 」
「有無落芫茜？🍀」
圖片來源：Threads@thisthis_ramen_kt