所有乘客必須在公共交通工具佩戴安全帶的新法例，已於今周日1月25日正式生效。新例實施了第三天，市民亂象頻生。覺得扣安全帶擾民多於保障安全的市民，陸續出動奇招，適應需要佩戴安全帶的生活。
網民其中一個最多的疑問，就是若果巴士到站下車，又來不及解開安全帶按鐘，到底要「解扣」按鐘，還是如何是好呢？
網民實行靠奇招應對「扣帶人生」！
市民奇招適應扣帶生活｜巴士到站想下車 伸縮手指神器有辦法！
網民_ins_h._上載短片到社交平台Threads，提供奇招應對巴士按鐘問題：「論如何搭巴士扣住安全帶㩒鐘」，就是伸縮手指長棍是也，果然幫到手，妙計妙計！
網民看到創意新招，激讚樓主有創意！得咗！
「咁要轉返以前果啲㩒鐘帶，後生嗰啲應該未見過😆。」
「支嘢唔夠粗壯💪🏼。」「忍唔住笑咗，點解你會帶埋支嘢出街嘅？好勁。」
「會唔會太高端」。
市民奇招適應扣帶生活｜目擊安全帶直線GG了！
安全帶新措施，只是實施了第三天，市民似乎不太適應，導致短短三天已經亂象頻生！另一位網民eisweinwong上載了巴士奇景一則，想扣上安全帶時，安全帶已經直線GG！
難怪樓主黑人問號地寫上：「一上車見到咁…師兄啊…」安全帶GG了，是本身殘破了、爛了，抑或有人刻意破壞，剪斷了？
更有網民妙回並附上圖片，乘搭巴士是否要帶埋專用鉗子！
不過，有不少好心網民叮囑，千萬不要破壞安全帶：「條安全帶係無辜嘅。」
「呢個係刑事毀壞，通知司機報上台報警。」、「我記得破壞巴士係犯法，到時唔戴安全帶加破壞安全帶，唉。」
「大鑊！以後巴士用晒不鏽鋼安全帶😔。」「直情係兇案現場啦。」
「齊口切」、「上手趕住落車？」
圖片、影片來源：eisweinwong、_ins_h._Threads