觀塘成業街7號東廣場，上周六（1月24日）晚上突然上演驚險一幕，一間點心料理店疑因油溫過高致平底鍋起火，引起火警。
火警另揭防火閘疑被招牌頂住無法降落
據《東張+》收到觀眾報料的網上片段所見，現場火光熊熊，濃煙直衝天花，職員見狀急忙拿起滅火筒「噴噴噴」救火，幸好最終無人受傷。不過，事件最令人倒抽一口涼氣是畫面中所見，兩旁的防火閘竟然疑似「卡住落唔到嚟」。料理點招牌及一旁的咖啡店招牌，似乎都阻住防火閘的位置。
市民擔心防火安全
事件引起廣泛關注，但不少市民擔心防火安全，「如果唔係細火，而係大火呢？防火閘落唔到係咪即係大家困晒入去？」、「防火閘變晒裝飾，真係睇到心寒。」、「消防巡查冇發現？商場管理又去咗邊？」、「點解招牌可以咁設計」、「呢啲先叫真正嘅消防隱患！」。