機場女洗手間門鎖被撞爛？《東張+》發現，網上有女市民指，在香港國際機場廁所如廁時，突然被一個內地大媽衝入，更弄壞鎖頭。
機場女洗手間如廁被內地大媽撞爛門鎖
《東張+》發現有女市民於社交平台發文，指自己在機場女洗手間如廁時，突然遭一名內地女子從外強行推門闖入，更把門鎖撞至損毀，事件引起網民關注。
事主：荒謬指數十粒星
事主在帖文中形容事發時正「喺機場廁所屙屙下屎」，期間並未發出任何開門指示，然而門卻突然被猛力推開，「突然之間比大陸大媽撞開個門，鎖都爛埋，荒謬指數我比十粒星。」帖文並附上一段影片，事主指，被撞門一刻「極度錯愕」，並質疑洗手間禮儀以及對私隱的基本尊重。
有人為事主抱不平
事件引起大量討論，不少人留言表示「睇標題已經笑咗」，但亦有人為事主抱不平，質疑行為十分危險，亦有人半開玩笑道「呢啲荒謬事件真係東張收料級別。」，「呢啲衝門文化真係要改！」、「喺內地都見慣，但嚟到香港都咁？」、「撞開門係咪當自己打副本？」
、「經常見到大陸人有個奇怪行為，入廁格唔鎖門就用」、「機場廁格門鎖都撞甩，力度可想而知。」、「見過佢哋會踢度門，明明都見到紅色有人都照逐格踢，真係盲嘅」。