旺角街頭再爆跨境車交通亂象！有觀眾向《東張+》報料，指近日一輛掛中港車牌的私家車疑在巴士站「死頂」阻路，令巴士無法泊站落客。爭執期間更傳出司機互罵，巴士車長最終親自落車報警，全車乘客受影響，不少人需中途落車步行前往目的地。
中港車旺角阻巴士落客
事件發生於周六（2月7日），有報料觀眾回憶事發經過時無奈表示，「本身約咗人去佐敦食飯，點知係前一個站停咗勁耐，坐樓上唔知發生咩事。過陣就聽到有人鬧巴士司機，應該係中港牌個司機。」
觀眾：成條路俾佢玩晒
觀眾指，巴士原本只是準備靠站落客，但前方卻被一輛掛中港牌的私家車阻擋，司機疑似拒絕讓路，更與巴士車長起口角，「之後聽到巴士司機話報警，最後真係落車報警。」
混亂期間，巴士未能按時駛走，導致全車乘客被迫提早落車，自行步行往目的地。另一名觀眾亦向本網反映，「成條路俾佢玩晒！」，暗示涉事私家車的行為令整個路段交通受阻。