新年到！除了聖誕有燈飾，農曆新年都有燈飾噃。想看燈飾，還記得尖東「噴水池」吧，現在想找傳統燈飾也有點難，更去到有點慳皮的程度！有網民就上載尖東農曆新年新裝飾相片，竟看到「雪人Cosplay財神」以秘撈造型撐場，慳皮得來又幾有創意。
網民chitbombom近日指看到尖東一帶出現農曆新年燈飾，都算有點點氣氛，不過望真一些，又好像有點怪異，因為仍然是濃烈的聖誕風意境：「經過尖東以為仲有聖誕燈飾，望真啲，嗰雪人cosplay財神?!!!好慳皮喎🤣。」
其實，雪人都有點點Cute的，雖然雪人頭頂加了財神帽仔，與旁邊舊有的聖誕禮物有點違和感，這個年頭，連雪人都要秘撈。不過，學網民話，慳皮逼出創意咁話！
農曆年尖東燈飾「雪人Cosplay財神」造型｜網民點評：搵食艱難 雪人要做多份兼職！
帖文一出，網民普遍笑咗出聲，一人一句精警留言呀！「以前都係聖誕老人變財神，今年雪人都要轉職」。
新年燈飾慳皮還慳皮，但逗得網民都幾歡笑吖：「係咪budget少，請唔起聖誕老人？」
「年年最鍾意就係估吓佢啲燈飾，點由聖誕改新年😆。」、「希望四月會扮復活蛋🤣」
網民開始錯重點，不斷取回「雪人秘撈財神」的舊照對比一下，有圖有真相，超有趣。
「雪人：而家難撈啊，喺香港搵食，就要做Slasher」。
「聖誕老人唔係你、財神唔係你，你只係雪人。但係你要做埋財神同聖誕老人嗰份，出糧嗰刻你都只係雪人！」
「正喎，我要落去打卡！」、「搵食艱難，雪人做多份兼職啫。」
一片歡笑聲，大家有時間去打卡都好啊。
圖片來源：chitbombom@threads