本地餐廳的食品安全問題，近期深受各界關注。有脆友近日在社交平台投訴一間米線店，一碗餃子米線竟然變了「未解凍餃子」凍上，店家處理手法，更令樓主及一眾網民側目。
脆友kimkimmeow.c在社交平台threads交代事件，更點明第一句寫上：「生豬肉餃子！」
「觀塘痴X線米線，生嘢唔好拎出來俾人食啦！」
「講真，你一句話未解凍粒餃子，我即刻話取消，係你哋同事堅持解凍八分鐘，等耐少少叫我要埋佢。要我又要咗，等我都等咗，你比個生餃子我？會唔會過分咗少少？」
看看樓主的圖片，的確，一碗餃子米線中，其中一粒放在面頭的餃子，清楚看到還是紅肉一片，明顯是生肉來。
本地米線店驚現「生豬肉餃子」｜網民群起鬧爆：米線謊話？
不過令人商榷的，反而是店主那方的態度。未解凍的餃子，再等多八分鐘，仍然是生肉，叫食客如何是好？
「舊豬肉生到，拎去獸醫診所都可以搶救一吓！」
「呢幾年食乜都望清楚。我食過刺身牛肉腸粉、曱甴燒賣、烏蠅生菜 😂，仲有海南雞碎骨！」 （這位網民好慘情啫。）
「佢之前做開日式習慣咗，唔記得而家係做緊中式。」(這位網民真搞笑！）
「未死過一樣🥹」、「米線謊話？」
「生意自己倒米。」
希望樓主肚仔沒有大礙吧，食物安全，人人有責的。
圖片來源：kimkimmeow.c＠threads