寧得罪人類，莫得罪鸚鵡！最小器鸚鵡又來襲！有網民的貓貓今趟變成了針對目標，因咩事得罪了小器鸚鵡？這回，叫貓貓如何是好呢？！
脆友alientattoorolla在社交平台Threads為愛貓求救，畫面又危急但又帶幾分好笑：「緊急！我隻貓俾鸚鵡圍！！唔知係嚟拜年定踩場🍊🧧，對方好疊馬，吹哂雞，非常挑釁。英雄主義又剩咁，點部署？？！！」
樓主post出多條片段，畫面勁爆笑，一群，是一群小葵花鳳頭鸚鵡小器簿上線，牠們正位處於一所民居的窗外，看似真的在衝着貓貓而來，不懷好意，拖行馬，為數眾多！吹雞吹了至少20隻！
果然食過吓夜粥！這種場面，難得貓貓也是淡定哥上身，你有你圍攻，貓貓一臉處之泰然。
最小器鸚鵡新年踩場 貓貓得罪大佬｜網民正爆回應：佢地係鳥界黑幫大佬！
多謝這位網民的知識提醒：
「小葵花鳳頭鸚鵡極度瀕危 。全球2000隻、香港佔200，你屋企有20☺️！」
非常有威脅！大佬，唔好意思呀！
「呢隻睇落食過夜粥，不好惹」、「下面仲有幾隻standby🤣。」
「銅記揸fit 人！」。
「你之前係咪得罪咗佢哋其中一隻？佢哋係勁小器㗎，你有排煩啊。」
「小葵花鳳頭鸚鵡，其實佢地都只係好奇，望吓你隻貓貓🥹🥹。」
「我記得以前係咪有人屋企天台花園，俾鸚鵡咬爛聖誕裝飾，唔俾佢咬，就吹雞好多隻日日飛去天台😂😂 。」
「又係小葵花，佢地係鳥界黑幫大佬！」
「你隻貓都好冷靜吓喎😂，睇嚟佢見慣大場面。」
影片來源：alientattoorolla＠Threads