養貓狗最怕走失！《東張+》近日收到多個報料，指本港一名主人養貓6年後，貓貓突然走失，在尋貓2年後終發現貓貓身影及被人收養，其後打算求還貓貓，結果「新主人」卻開價「30萬」方可取回貓貓。
被開價「30萬」方獲歸還
《東張+》根據網上帖文整理，貓貓主人在其社交平台發文，指自己人生第一隻貓養了6年後走失，尋貓兩年，貼了過萬張街招及在網上發帖，其後在網上發現貓貓被人收養；「新主人」亦在網上發文，指當初以為貓貓是被棄養，但已「養咗兩年有咗感情」及成為家人。
兩方之後約出來商討事件，不過，「新主人」就開口索價「30萬」方歸還貓貓予原主人。據原主人錄音可聽到，「下我叫佢開30萬㗎喎」、「30萬係我老婆叫開㗎喎」、「X你有假㗎？元朗人係咁㗎啦，唔X要咪X入嚟傾囉X」。
原主人對於「新主人」態度感難受
而原主人對於「新主人」兩夫婦的態度亦感到難受，「其實我哋三口六面坐低傾咗1小時30分鐘，對我嚟講其實都幾難受，因為對方嘅態度勁唔友善夾雜粗口指罵。」
她又指，「作為原本嘅主人我完全感受唔到佢係真心愛錫隻貓，成日帶隻貓周圍出街真係好咩？又要比魚生刺身貓貓食。本來呢隻貓仔腸胃就比較敏感，會容易軟便，轉糧都要好花心機慢慢嚟。」、「我亦都先撇除保障隻貓原本嘅生活質素，因為我真係當佢係我自己嘅小朋友咁照顧，就算係兩公婆離婚嚟講啦小朋友跟邊個都要以佢哋生活質素為大前提，但面對住對方開口埋口都同我咁樣嘅口吻講錢法，我好感受到佢哋之後為自己兩公婆嘅自身利益去考慮為先。甚至乎當時我要離開佢哋嘅二手車場，佢哋都話由於我阻住佢哋當日做生意，循例上都要擺低錢先。已經覺得非可循用理性及常理溝通。」
引起網民討論
雙方在網上發布爭執過程，被不少觀眾留意到並報料《東張》。其後，亦引起網民討論，「因為唔捨得或唔信任而拒絕還貓其實係明嘅，但洗唔洗講晒粗口成個黑社會咁樣仲話要30萬係咩事」、「」、「對方嘅態度先係呢間嘢最唔合理嘅位。如果冇晶片嘅情況下，大家平心靜氣咁傾，對方承諾會好好照顧貓貓/願意俾你探佢，好似一般領養程序咁。成件事都冇咁勞氣。」、「佢哋當隻貓係咩呀…睇相都知同原主人分開唔開心啦」、「佢開得價都間接承認左佢係偷架啦～30萬同勒索有咩分別。」。