餐廳食物最重要又好味又抵食，香港人就最鍾意！一位網民近日在社交平台投訴，光顧餐廳點了一碟牛舌飯，不過牛舌只得三片「咁大把」，盛惠58元，大家覺得抵吃嗎？
網民在facebook專頁「香港茶記關注組 」發文投訴，內容指：「青衣邨XXX餐廳咖喱金牛舌飯（3大片），$58你哋話抵唔抵食呢？」
樓主的圖片所示，一碟咖喱金牛舌飯，有三片牛舌，白飯，少少沙律菜，連咖喱汁，完。不過小編覺得，牛舌份量都不是太小片吧。
青衣餐廳牛舌飯得三片咁寒酸？｜網民反應不一反對餐廳派：搵笨至極！
看到圖片，大家又點睇？網民反應兩極，「支持派」及「反對派」都有意見，反對派就認同餐點貨不對辦：
「近睇都覺得縮曬水！」、「點解無生意，一定有原因。」
「明白點解而家兩餸飯三餸飯開到成行成市。」
「無誠意...比啲配菜搭夠啦。」、「搵笨至極！」
當然，另有網民亦撐餐廳牛舌飯比例合理：「唔理佢係咪來貨已經熟先，你整一次牛舌，你就知抵唔抵。」
「其實樓主嗰碟都好厚肉呀！」
圖片來源：facebook專頁「香港茶記關注組 」