「坐車唔使畀錢，原來咁講就得？」《東張+》收到網民報料，指社交平台近日流傳一段在電車車廂內拍攝的影片，一名年長男乘客被指拒絕支付電車車資，更以「前電車公司員工」自居，與女電車司機當場爭論，事件被形容為「霸王車實錄」。
阿伯坐叮叮「霸王車」
事件發生於周二（4月7日），影片全長約1分多鐘。片中可見，一名女電車司機站在司機位附近，與一名阿伯乘客理論。阿伯多次強調自己是「電車公司前員工」，聲稱因此「唔使畀錢」。
女司機則冷靜回應，表示若未能出示任何證明文件，便需要照章付費，並直言：「坐車付款係天經地義。」女司機亦提醒車廂內設有閉路電視，清楚拍下整個過程，有足夠證據。
爭論期間，阿伯多次重複自己「做咗廿八年」，又提到「160幾架車，以後唔坐你車」，以及聲稱「我有離職紙」。不過，影片中並未見阿伯即時出示任何文件，爭論亦未有即時結果，後續情況亦未知。
網民批評乘客無理
影片在流傳後，引來大量網民留言。不少人力撐女電車司機，讚揚對方態度專業、有原則，「講得好，冇證明就要照畀」、「司機好有耐性，換轉我已經火滾」；亦有網民批評涉事乘客行為不當，直言：「$1.5都要呃？」、「話自己前員工就免費，咁個個都話係啦」、「做過唔等於宜家唔使畀錢」、「冇拎證件出嚟，點信你？」
相關文章：
港鐵荔枝角站母子疑逃票斷正 遭多名職員包圍小童被嚇至大哭
東張西望｜的士司機報東張踼爆詐騙新招 乘客假電子支付圖搭霸王車兼騙錢
東張西望報料｜車站上蓋「無奇不有」 唔止有條魚仲有新淨煎Pan咁過癮？
Threads@leonardto