大埔宏福苑五級火後，政府提出地盤全面禁煙修例建議，包括將建築地盤指定為法定禁煙區，違例者可被罰款3000元。《東張+》收到一段觀眾報料影片，一名地盤工人涉在地盤用膳期間違規吸煙，被一名疑似男管工舉機拍片「斷正」存證，當場下令他「執埋嘢走」。
影片未有交代拍攝時間及地點，影片可見當時數名工人正坐在未完工的石屎樓層用膳休息。拍攝者從後上前對着其中一名工人質問：「食煙？攞個證嚟！」該名工人當時疑正在吸煙，右手掌心藏有香煙，被人質問後立即將右手伸到前方的外賣膠袋，疑丟棄煙頭。鏡頭隨後對準地上外賣膠袋，可見飯盒中遺留了一個煙頭。拍攝者隨即以英語斥，「No smoking here!」，要求該名工人交出證件，「有咩證響你身？依家帶返頂帽！」
該名工人表情顯得錯愕及不知所措，拍攝者未有理會繼續以強硬語氣訓斥，並下達逐客令：「你係紮鐵佬呀嘛，我會話畀你老細聽㗎喇，你執埋嘢走呀！攞返頂帽！」最終，該名工人沒有反駁，穿回安全鞋，戴上安全帽離開工地。