電話騙徒手法再升級！《東張+》接獲觀眾蔡小姐報料，指於5月14日下午約1時半，接獲一通自稱「香港支付寶（AlipayHK）客服」嘅來電，對方主動提供員工編號、講得出事主全名，內容極具迷惑性，幸好蔡小姐提高警覺，最終未有受騙。
假Alipay客服來電「續保陷阱」
蔡小姐向《東張+》記者表示，來電人士聲稱早前Alipay送出的「保障服務」即將到期，如不取消便會收取續保費用。對方更表示可即時協助處理，但若蔡小姐「而家唔得閒」，亦可稍後致電一個5字頭的電話查詢戶口情況。
當蔡小姐質疑該號碼屬「5字頭」，並非一般Alipay客服「2字頭」熱線時，騙徒仍表現得相當淡定，解釋話：「因為2字頭太多人打唔入，所以專登加開專線。」
但更令人警惕的是，對方在收線前表示，會發送一條訊息作為「確認今次對話內容」，又稱訊息內附有WhatsApp連結，方便客戶直接聯絡客服。蔡小姐形容，整個說法「老作得好詳細」，一環扣一環，引導事主按連結或主動致電。
講得出全名兼有員工編號
據蔡小姐提供的截圖顯示，一條文字訊息標題為「取消升級保障計劃」，內容聲稱由於申請取消人數眾多，需要耐心等候處理，並以「AlipayHK 將根據條款及約束作最終決定」作結，試圖營造官方語氣，增加可信度。截圖底部更顯示一個看似正常嘅客戶服務電話，容易令市民誤信屬官方訊息。
至於截圖訊息的抬頭標示更寫有「#【AlipayHK】用戶」，並列出蔡小姐全名，聲稱其《全方位保障計劃》將自動升級為收費項目。內容指若在指定時間前未確認取消，系統將「每月扣款$1,280；合約期3年；保單總額高達$46,080」。
訊息最後更要求事主立即以WhatsApp聯絡「客服專線 」，並附上連結，明顯企圖將事主引流至即時通訊平台進行下一步詐騙。
蔡小姐事後提醒「講得出員工編號，唔代表佢係真客服；講得出全名，都唔代表安全。千祈唔好亂按連結，更加唔好自己打返畀佢哋提供嘅電話！」她又希望透過《東張》提醒更多市民，因為現時香港有大量市民使用Alipay，類似詐騙極具針對性。