今時今日，手機不離身是常事吧。萬一手機無電，猶如熱鍋上的螞蟻，心卜卜跳、囉囉攣，唔知點算！
有網民ls250203轉載另一位樓主的「手機求救訊息」，幫忙配文：「電池同底板已經燒咗，香港機場啲USB全部都係壞的電池Killer！」
我們又看一看原Po，應該是樓主timest_wanderer將其iPhone在機場充電，不過USB充電插頭出現問題，並急忙在網路向各位大神求救：「有無人試過係機場充電，充唔入但電量突然自動跳去1%！然後顯示unverified battery？！跟住自動關機及自動開機，我哋兩個人兩部電話都係咁…🥺😣！」
代入情境題，萬一你臨上飛機，又逼切地電話無電，繼而以為自己成功充電，但竟然一秒變1%。搭飛機途中又不能充電，崩潰。
好端端機場充電手機電量一秒變剩1%｜網民分享機場充電黑歷史：有插座就用自己牛
帖文一出，即時引起網民熱議，網民們有咩講呢？
「所以買條好啲嘅充電線，有晶片識控制電流嗰啲穩陣啲 ！」
「充電後連手機都壞埋，仲可以掃二維碼通知機場咩？ 」
「我淨係敢用機場啲無線充電咋🤣，一係就帶尿袋 ！」
「機場呢啲充係USB2.0, 充唔起現代手機架， 唔好話會壞。比你充一個鐘都充唔到幾%出嚟。 」
「今時今日睇見唔係type C頭，都知慢到XX！」
也有網民分享其機場充電中伏黑歷史：「自從幾年前係機場充過一次整壞我部機，我以後都無再係機場充過！」
「咁多年來都唔知充壞幾多部電話😂，仲要個個要趕飛機無仇報！」
「一定要用自牛！」、「有插座就用自己牛！」
希望樓主最終能順利解困，愉快上飛機開展旅程吧。
圖片來源：ls250203、timest_wanderer@Threads