屋邨大廈的電梯屬公眾地方，亂抛垃圾固然不對，有網民在社交平台發文公審，竟然在公屋的升降機內，發現大件床褥，床褥更離奇霸佔了整個電梯的大部分空間，咩玩法？
網民Yuki Liu在社交平台facebook專頁「青衣街坊吹水會」嬲爆發文指，「 啲人真係黐線，就咁擺個床褥係電梯度係咩玩法？🙄🙄🙄」
果然有圖有真相，一張彩色圖案的薄身床褥，不偏不移地「置中」了，即是完全佔據了電梯的九成空間。如此缺德行為，讓搭乘電梯的居民，出又不是、入又不是，想點呢？
青衣公屋電梯驚見大床褥霸晒企位空間勁缺德｜網民嬲爆真。柒街瞓：有蝨遠迎？
帖文一出，全城公審。網民一人一句，鬧爆缺德住客！
「有晒閉路電視，佢走得去邊🤣！」（啱呀！）
網民抵死揶揄：「因住，有蝨遠迎😂！」、「🫢會唔會未搬得切閂咗門呀🤣！」（真心咩？）
「打去房署投訴啦，保安知道比佢放住先？！」
「有無搵關愛隊幫手清咗佢🙂！」
「驚你搭𨋢悶，俾張床你瞓吓！」、「有蝨咁點算？🫣」
「真。柒街瞓！」、「公德何在！」
缺德行為，一件都嫌多，大家記得要做個有公德心的市民！大件垃圾，不要隨便扔掉在公眾地方是常識吧。
圖片來源： facebook專頁「青衣街坊吹水會」