做個有公德心的街坊！愛護公眾地方，人人有責。日前，有網民在社交平台發文，公審大廈街坊，原因是發現公屋的電梯大堂放置了大件木梳化！有無搞錯，阻礙居民出入通道，勁缺德。
網民在社交平台facebook專頁「屯門友」放圖，並發文公審缺德住客：「就咁將件木梳化掉係電梯大堂？🤔要啲清潔姐姐幫佢收走？」
圖中所見，確實有一件大型木梳化，隨便扔掉在公屋的電梯大堂中央，阻礙其他住客出入，甚為不便兼無品！
不要太自私，好嗎？
屯門公屋電梯大堂驚見大件木梳化勁缺德｜網民鬧爆：公屋日常 可以付錢給清潔工搬運？
帖文一出，當然逃不過網民一片鬧爆譴責聲音！
「呢啲人咪自私無公德心囉！」（做個有公德的人。）
這位網民有新論點：「其實要收錢300大元至得架，如果唔想比，就自己搬去垃圾房！」
換言之，可以付費叫清潔工幫忙搬運大件垃圾？
「其他邨見過、樓下會貼警告要求自行清走，不會幫你包底、倒垃圾嘅；無責任幫手處理大型垃圾。」
「應該自行放於垃圾站！」
「個個舊型屋邨都係咁，無人理！啲清潔工當咗係指定工種了🫣。」
「好多都係咁偷雞放大堂。」、「梳化🛋️ 、床褥，我都見過。」
「呢啲PK，真係要扣佢分！」
「私樓也沒有人幫你掉，除非付費，也要兩三個人做。」
記得，要做個有公德心的居民。
圖片來源：facebook專頁「屯門友」