食安問題，有圖有真相，還越來越過份，令人作嘔！有食客近日稱，在本地某間泰國菜餐廳點餐，進食至尾聲之際，驚見飯盒內竟然「大贈送」一條蜈蚣！豈料，那邊廂店員的回應更為頂癮，全城鬧爆！
食客_chris_leee在社交平台Threads申訴，並以「食飯送蜈蚣」為題，公審本地某間泰國菜餐廳：「H字頭泰國菜，叫咗一個打拋豬飯，食到最後有條蜈蚣跟餐送比你，即刻退款仲要拒絕我！打去餐廳有個大嬸話係花嚟喎，我真係見識少，咩花成條蜈蚣咁嘅樣！」
食泰國菜食到蜈蚣一條已經夠過份，職員更辯稱是「花」，What「花」呢可？
圖片所見，大大隻黑色蜈蚣混和在餸菜當中，雖然動也不動，不過不知是生是死，已經有夠嘔心，兼夾恐怖。
外賣泰國菜飯盒竟送蜈蚣｜網民鬧爆全城：一定報食環 可能搗破五毒教秘密基地！
大家看到「食飯送蜈蚣」，有無作嘔？網民十級嘩然，兼留言鬧爆餐廳的食物衛生問題，紛紛一人一句叫樓主報食環！
「唔好掉，留返盒嘢，打電話俾食環署！」
「一定報食環，可能會搗破一個五毒教秘密基地！」
「準備落你降頭 。」
「而家越嚟越癲，小強都唔夠，蜈蚣都出埋😮💨 ！」
「泰菜有蜈蚣係好正常，喺泰國一隻炸蜈蚣都唔平🤡 ！」（這位網民是搞笑的嗎？）
「Btw...呢隻嘢真心得 。」
「蜈蚣其實幾值錢吓！你賺咗，仲話要退錢，唔知咩人嚟。」（笑！）
影片來源：_chris_leee@Threads