尖沙咀商場有果昔機爆食安疑雲。《東張+》接獲觀眾鄭小姐報料，指日前於尖沙咀商場一部自助果昔機購買飲品時，竟然發現機內有多隻曱甴出沒，甚至在製作過程中「現身」，情況令人震驚。
尖沙咀果昔機疑「養曱甴」
從觀眾鄭小姐提供的圖片及片段可見，一杯橙黃色果昔正放於機器出杯位置，透明面板內部可見製作裝置及杯托，底部位置有一隻小型曱甴貼近杯座爬行，曱甴與飲品位置距離極近，存在污染風險。
該果昔機為大型自助設備，外殼彩色印有「Smoothie」字樣，設有透明玻璃窗，旁邊有操作屏幕及落單系統；至於鄭小姐指出，機器位於商場娛樂區的夾公仔場旁。
事主：買咗三杯先見到
鄭小姐向《東張+》報料表示，當日一家人用餐後帶小朋友玩耍，經過該果昔機出於好奇購買：「小朋友同我都想試，點知見到小強出嚟say hi…」。
鄭小姐又指，見到時已經買左三杯，「我哋見隻小強無行入杯野，有飲到。但同行小朋友飲左兩啖之後話好驚入面有曱甴，就同佢爸爸講，最後丟左。」
她稱，她本人有飲用，最後晚上肚痾兩次。她又向記者講述當時情況：「係第二杯完左，準備入第三杯時，我先生用紙巾整死左，點知第三杯攪緊時，我哋係玻璃倒影仲見到另一隻…. 但因為倒影影唔到；而（曱甴）一直係入面，但只要透明蓋一關佢就爬上來好似同我地say hi 咁。」