開開心心吃火鍋，吃到一肚火全因為鍋底有隻小強？未算，遇着懷疑不肯認衰的店家，雙方態度火上加油，確實會吃到一肚氣！網民在尖沙咀一家知名火鍋店，驚見一隻浸到濕透的小強在鍋內，向店員反映，對方還企硬，態度惡劣，完全沒有正視食品安全問題，嬲到爆！
網民jasmine_lau0314在社交平台threads嬲爆發文，並以「曱甴邊爐餐廳 ，不吐不快 🤮🤮噁心圖慎入❗️❗️😡😡」為題，詳細論述事件。
「同朋友一齊去尖沙咀XX分店打邊爐，🥵😤食完淨係得滿心陰影同一肚火💢，店內的衛生情況同店方處理態度，都令人極度失望，❌真心奉勸大家趕緊避雷！ 」
樓主句句警世，善意提醒其他食客要避雷。「食到中途，湯底撈出一隻浸到濕透嘅曱甴🪳，明顯已經滾煮咗好耐，諗起之前飲過湯，成枱人即刻反胃🤮。」
😩店方一連串令人震驚嘅操作：
1. 員工第一時間試圖拿走載有曱甴嘅碟，好彩我哋有留影留底留證據🙅♀️。
2. 經理前來了解狀況，我哋即刻出示相片作證。點知經理竟然話：「詢問過廚房，廚房好乾淨」，跟住轉頭反問我哋隻曱甴究竟係邊度嚟！😡我哋極度懷疑隻曱甴一早匿喺個鍋底入面。
3. 明知我哋心理陰影唔敢再食，經歷只懂機械式重覆提出換新鍋，完全沒有正視食品安全問題🙄。
4. 打算派每人$100優惠券了事🤡🤡。
5. 全程感受唔到誠意安撫或正式道歉，經理更當場話：「唔會免單，唔滿意可以直接去報食環。」
樓主講述店家的五大認對問題，看文字的確反映誠意欠奉，難怪食客會一肚氣離開。誠意還是次要，食物衛生問題是重點來。網民們又點睇？
人氣火鍋店湯底有小強店方惡劣態度火上加火｜網民洗版式齊鬧爆：小強煲到甩色美白湯底！
帖文一出，引發網民洗版式鬧爆火鍋店。今時今日，還有這樣的服務態度，有無搞錯！
「問你隻曱甴邊度黎都夠膽死！好在有影相做證據。」
也有同路網民分享類似不快經歷：「年幾前尖沙咀舖食，一坐低等緊鍋，我哋叫咗一樣湯底，原來隔離枱！點知一打開蓋，HELLO大強浮咗係面！死咗應該一段時間！！從此無再幫襯！大隻過你呢隻好多，堅大強。」
「呢間真心伏。」、「呢間嘢直頭係劣食。」
「好恐怖😱，佢應該改叫蟲蟲一家大細🤢。」
「話廚房好乾淨，問你隻曱甴邊度嚟？係咪想話係你帶隻曱甴入嚟咋！」
「小強煲到甩色，係咪美白湯底🤪🤪 。」
食安問題，餐廳食肆，一定要再三加強注意了。
圖片來源：jasmine_lau0314@threads