泊好車都可能「中招」？《東張+》接獲觀眾黃先生（化名）報料，指其私家車停泊於將軍澳新都城一期停車場期間，懷疑遭隔鄰車輛乘客開門時撞花車身，但對方事後未有留下資料便離開。更令黃先生無奈的是，即使車Cam拍到事發過程、車牌及涉事人士樣貌，最終仍被告知需循民事途徑追討損失。
停車場開門撞花名車即走
黃先生表示，事發於7月5日下午約3時左右。當日他將車輛停泊於將軍澳新都城一期停車場後離開購物，大約一小時後返回取車，當時未有察覺異樣，直至7月10日洗車時，才發現右側車門位置出現明顯刮花及凹痕。
從黃先生提供的照片可見，白色私家車車門位置出現一條橫向刮痕，在燈光反射下相當明顯，漆面亦出現受損情況。
車Cam影到車牌人樣仍難追究
另一張影片則來自車Cam畫面，可見涉事車輛停泊於旁邊車位，期間有人開門接近黃先生車身位置。據黃先生表示，影片拍攝到整個碰撞過程，亦能辨認涉事車牌及人士外貌。黃先生指出：「我立即睇返車Cam，就見到成個過程。」
他其後於7月11日下午約5時30分到將軍澳警署報案，希望追查責任誰屬。不過他表示，其後獲通知由於事件並非發生於車輛行駛期間，而是在停車期間造成損毀，因此警方未有受理作交通意外案件跟進，建議循民事索償途徑處理。
黃先生坦言：「我需要自己畀錢維修。有車牌、有樣、有片段，結果都做唔到，我覺得有啲無奈。」
車主無奈：只能民事索償
他又透露，自己過去亦曾遭遇類似事件。他指出，當時其電單車停泊於住所停車場內，因較少使用而長期蓋上車套。其後發現電單車曾被撞倒，又被人扶回原位，導致倒後鏡變形及車頭歪斜。雖然亦曾報警處理，但由於閉路電視未有拍攝到涉事位置，最終同樣無法追究責任。
黃先生認為，問題未必完全與執法有關，「有冇方法保障被人撞花架車嘅車主？會唔會法例本身有漏洞？」他又表示，若每次遇到類似事件都只能透過民事索償處理，對一般市民而言往往耗時又繁複，容易令人感到無助。