食安問題，日日新鮮日日甘！除了經常發現餐廳有不同大小的「生物」，掃街買小吃，居然會獲贈神秘「禮物」？有網友日前到葵涌廣場購買一客「象拔蚌手卷」小吃，食到最底，有神奇「重料」贈品，咁都得？！
食客deonieeeee日前在出名多小吃的葵涌廣場「掃街」，想着營營役役的生活又帶點肚餓，成功入手一客「象拔蚌手卷」，吃得津津有味之際，Well，吃到底，竟發現相當有「驚」喜！「我一個普通小市民，營營役役，老老實實，收工去葵廣食象拔蚌手卷，食到尾居然會有隻右耳AirPod係底🥲。」
果然夠重料，老老豆豆，邊個漏低了AirPod耳機先？！嘔心就未算，不過食物衛生問題，見到都無胃口又O嘴，學網民話頭：「荒謬到AI都作唔出🙉🙉！」
「象拔蚌手卷」 吃到最底發現AirPod耳機一隻｜網民嘲諷：買手卷送單邊耳機活動做到幾時？
帖文一出，全城笑爆兼不留情面的揶揄嘲諷一番。樓主最新補充，「雖然最後去返間嘢有退到錢，但真係諗起都想嘔！退錢個員工自己都呆L咗。」
「買手卷送單邊AirPod活動做到幾時？ 」
「笑死咗！黃色個啲係唔係耳屎！」 、「奇趣杯咁，底下有禮物 ！」
「其實你係一個臥底，而家上頭有任務比你，你聽吓！」
店員小劇場來了：「原來隻耳機喺你到，搵咗成日。」
「邊爐有蛆蟲噁心，定手卷有AirPod噁心呢？ 」
圖片來源： deonieeeee@THREADS