不少「無飯」都市人，為了方便，晚餐到餐廳點幾客小菜，味道不俗，最啱醫飽肚又方便。不過，食物安全問題的確會令食客無盡困擾。日前，有食客在餐廳叫了一客小菜「西芹腰果炒肉丁」，驚現一隻小強屍體，店員卻稱是「蜜蜂」，雙方爭持，後續怎樣？
網友gracetsang710在社交平台THREADS申訴事件：「難得放早同屋企人落街食飯，叫咗西芹腰果炒肉丁，食咗一半時，發現有一隻一毫子咁大嘅曱甴屍體🤮！職員話蜜蜂，不如換過一碟餸比你食。我叫佢望真啲，都係話係蜜蜂🤬，癲架！」
圖片所示，小強屍體的確清楚易見，還附在小菜的菜料之中，好彩發現得到。樓主補充，店家並沒有豁免該碟問題小菜的收費，並說已經通知食環署處理。
晚飯小菜「西芹腰果炒肉丁」驚現小強屍體 職員辯稱「蜜蜂」｜網民派嬲：無改錯名真係禾味 ！
保持食肆衛生，大家也有責任。食客才會吃得安落。網民們有咩意見呢？
「純好奇，如果免咗你58，咁會唔會報食環？ 」
「佢唔會sorry啦，因為佢腦入面認定係蜜鋒 ！」
「無改錯名，真係禾味 ！」、「報完食環順便報東張 ！」
「滿滿的蛋白質 。」
圖片來源：gracetsang710@THREADS