住過公屋的朋友仔，相信對公屋單位大門旁邊的對講機不會陌生。不過時代變，此款古董對講機的功能日漸消退，甚至不少住戶均甚有共鳴稱，「住咁耐都無響過，其實係咪可以拆咗佢？」引爆網上熱話。
有網民在社交平台發文，並詢問各位大神，圖片正是拍攝着其家中充滿年代感的門口對講機，配文問道：「其實個電話係咪可以拆咗佢唔用？交還嗰陣有得畀返佢就得架喇？」
經樓主一問，引爆了網民們的共鳴！舊式設計的公屋，不難發現常有對講機在牆上，有電線接駁電話筒，一般是用作開啟大廈地下大門。不過原來這款時代產物，據說不可亂拆的！
公屋「年代感」對講機脫晒節無用拆唔拆得？網民勸不要拆：嚴重甚至會被房署扣分
「垃圾擺設。」、「懷疑係擺設」。
「阻頭阻勢。」
「如果樓下保安搵唔到你，佢哋會通知主任上嚟檢查，甚至會被房署扣分。」
有網民溫故知新，重新解釋一次對講機的用途：「樓下訪客Panel，襟你單位時用來接聽，進行通話及解鎖。」
圖片來源：FACEBOOK專頁「公屋討論區」