公屋新盤入伙向來是熱門話題，但近日有關朗天苑的裝修影片卻引起網民激烈討論。《東張+》留意到網上，有裝修公司在小紅書發布屏山朗天苑單位完工影片，其中介紹所謂「工人姐姐房」的設計時，竟顯示睡床設於廚房範圍上方，惹起爭議。
工人姐姐「睡房」設廚房上格床
不少網民質疑，有關設計雖然有助善用空間，但居住環境及生活尊嚴是否受到足夠保障。從網上流傳影片截圖可見，一張上格床架設於廚房工作枱上方，牆身鋪設雲石紋飾面板，床位四周空間相對有限。但仔細看，床位下方設有洗衣機及儲物櫃，並以直梯上落，整體設計類似高架床組合。
床位原來是在廚房範圍，而非獨立房間，影片更可見明火爐頭，一但發生火警則有重大風險，而旁邊可見電掣及牆身設施。
網民：到底係工人房定儲物位？
影片曝光後，引起不少網民留言討論，「認真如果我係工人，見到份工要我瞓油淋淋嘅廚櫃，我會hea做、借錢、偷嘢搏炒算。」有關言論亦引發其他網民討論僱主與外傭居住空間安排問題。
不少留言認為，小單位設計固然需要靈活運用空間，但不應忽略居住者的生活質素，「咁嘅條件唔好請工人啦好心…」、「我瞓廚房個地下算數，唔使擒高擒低添啦，仲可以轉身」、「以為上次見到廳中間個近乎密閉空間都夠絕….點知….」、「如果有black list 僱主制度就好，真係痴X線設計」、「個廳無位咩，要咁X仆X瞓廚房，目測仲要無冷氣」、「嘩！有幾無人性先諗到呢個設計俾工人瞓！目測個位窄到呢～仲要個工人好瘦先得！係廚房咁熱咁多油煙整個密閉空間俾人瞓？真係屋主都冷血！」、「將心比心啊，人哋離鄉別井仲俾個咁嘅地方人哋住」。