平日見人搬重物就見得多，但用頭頂住一整箱物品穿梭商場，相信未必人人見過！《東張+》接獲觀眾李先生（化名）報料，指周二（9月8日）下午，在屯門碼頭一個商場內目睹一名工人姐姐以頭部承托整箱物品，畫面相當吸睛，不少途人都忍不住多望兩眼。
工人姐姐頭頂整箱玻璃樽飲品逛商場
從李先生提供的影片可見，事發地點位於商場走廊範圍，一名工人姐姐頭頂一個大型紙箱步行，紙箱體積不小，幾乎覆蓋整個頭部範圍。從包裝外觀可見，箱內疑載有多瓶樽裝飲品。期間，姐姐並無用雙手托住頭頂紙箱，而是一手拿著其他物品，似乎相當熟練。
觀眾：佢平衡力好強！
李先生對於這名姐姐的功力表示十分佩服，「我第一眼見到都呆咗一呆，真係好犀利，佢平衡力好強！」他坦言，自己覺得有關畫面相當少見，因此拍下「報東張」與大家分享。
李先生又說，「純粹覺得好少見，見到真係覺得好勁，一路行仲可以一路拎其他嘢。」又直言若換成自己，可能未行兩步，紙箱已經「跌晒落地」。