譚詠麟演唱會即將舉行，不少歌迷四出撲飛，希望一睹「校長」風采。不過《東張西望》接獲觀眾伍小姐報料，指近日於Carousell及Facebook等平台尋找譚詠麟演唱會門票時，發現大量疑似騙徒以「電子飛轉讓」作招徠，懷疑有人利用歌迷心急買飛心理行騙。
譚詠麟演唱會門票騙案湧現
從伍小姐提供的對話截圖可見，賣家於網上放售「譚詠麟香港演唱會飛」，並標示每張門票售價約880元。
當買家查詢交易方式時，賣家表示：「我仲未拎實體飛，仲係電子飛編號同埋密碼。」其後更向買家聲稱，「請問你有無URBTIX會員？我直接轉飛嘅編號同埋密碼俾你。你先去自助機拎實體飛就OK。咁樣對大家都有保障。」
伍小姐表示：「以前買演唱會飛都有黃牛同真人放飛，但今次譚詠麟演唱會，好多都疑似騙徒，幾乎九成都唔肯面交。」她指出，對方大多聲稱持有電子門票，並以各種理由拒絕面對面交易。
希望透過「報東張」提醒各位觀眾
有關說法令報料人感到懷疑。伍小姐表示，經翻查資料及查詢後，發現對方所指的所謂「電子轉飛功能」與實際售票安排存在出入。
她指出：「URBTIX根本冇呢個轉飛功能，騙徒就利用一般市民唔熟悉程序去呃人。」她擔心有歌迷因急於購票，在未能核實門票真偽下轉帳付款，最終蒙受損失。
伍小姐希望透過「報東張」提醒各位觀眾，「買飛前一定要做功課，唔好輕信陌生人，尤其唔好輕易過數。我想分享我經歷，提醒其他譚詠麟fans提高警覺，避免墮入門票騙局。」