清晨商場未旺場，海港城中竟有單車友大聲播英文歌踩單車，惹來保安在後追趕。網上流傳兩段影片：一段是第三者角度拍攝保安追單車，另一段則是踩單車的人自己放上網。
有網民與社交平台發文寫「晨早單車友大大聲播英文歌係海港城踩單車，成班保安追住佢」，並補上一句：「佢播住《Imagine》踩單車，應該係幾有品味嘅人。」畫面可見兩名商場保安一邊叫「先生，你好！」一邊奮力追截。
留言區一面笑、一面讚保安。有人寫「啲保安認真追冇hea跑喎，Respect！」；有人問「點解可以咁Chill？之前呢啲情節係電影先出現，香港人發夢都諗唔到今時今日會係海港城出現」。亦有人諷刺留言「最好就撞爛人哋啲嘢」。
另有網民放出第一身於商場過道踩單車的片段，引來一眾網友驚呼「本尊出現」。此外，最多人討論的反而是保安態度：有人對比「高級商場保安：『先生！你好呀先生！』；屋村商場保安：『X你XX企喺度！』」；亦有人讚「呢兩個保安好有禮貌，追車都無唔記得講『你好』，其他商場保安值得學習」。
目前未見商場或警方就事件公開交代結果。