飲品飲到見底，竟發現杯底藏有一個神秘膠盒？《東張+》近日看到網上有人指，早前於一間台式飲品店購買飲品，飲用期間意外發現杯內竟然出現一個透明膠盒狀物件，令她當場愕然。
台式飲品驚現「神秘膠盒」
事主在帖文表示：「我想問下而家係咪出咗新配料？上面仲寫住數字係咩意思？我第一眼仲以為係藥盒。」事主形容，飲到後段才留意到異物存在，擔心會影響食物安全及衞生。
從事主上載影片及照片可見，涉事飲品為一杯冰凍茶飲，可見一個長方形透明膠盒浮沉於杯內，盒身外貼有白色標籤，並寫有「159」等手寫數字。
另一照片可見，該膠盒體積約數厘米長，外形與一般食品標籤盒或計數標記盒相似，透明盒內似乎存有少量淺色物質。而膠盒外圍被茶飲及冰塊包圍，肉眼看上去頗為顯眼。
照片於社交平台流傳後，引來不少討論，「出野飲嗰個盲嘅？」、「透明都睇唔到？」、「點解樓主可以飲杯奶茶可以有盲盒抽嘅？」、「咁明顯都出俾你飲」。有網民估計，該物件可能是店舖備料時使用的標示盒或記錄配料工具，但實際用途仍有待店方解釋。
此外，亦有網民認為，不論膠盒用途為何，若異物最終進入顧客飲品之中，都應該查明原因，指出備料程序應避免異物混入，而出餐前應做好檢查，又稱顧客有權了解事件原因。
（Threads＠otvtog_oa）