有片 | 性騷擾？踎地女狂罵男大生「視姦」

收到觀眾報料影片，一名身穿短褲的「粉紅頭」女子與肥仔男友乘搭港鐵期間突然「踎地」，疑似「M痛」。當時有一名男大學生看了她一眼，惟女子看到後即「爆SEED」，大罵男學生以「視姦」眼神「性騷擾」她，更直言「你睇一眼令我唔舒服！」期間更在車廂內以極大聲量，與同行男子指罵男學生，聲量直逼女高音，隨後列車到達粉嶺站，男大生在2人脅逼下報警，並協議等候警察到場處理，最終男大生平安渡過。
據影片所見，「粉紅頭」女子大罵男大生期間，曾指自己因月經不適而「踎喺地下」，男學生曾解釋只是「睇一眼」，惟女子斥責「你睇一眼令我唔舒服！」更直言「係咪想性騷擾？報警，而家就報警！」男大生惟有報警求助。
隨後雙方協議在粉嶺站落車等候警察到場，但「粉頭」女子仍未收口，大叫「望乜X啊！知唔知性騷擾嘅定義係咩？就係你任何行為，任何語言，任何眼神，令到女方覺得唔舒服，被威脅，被攻擊，就係性騷擾！明唔明白？明唔明白！知唔知道！」。男學生期間勸女子冷靜，女子卻火氣十足，「冷靜乜嘢啊？1個女仔喺地鐵車廂度，被唔禮貌咁望住，有咩感覺？」
事件後續有影片流傳，片中見到雙方在車站內繼續爭執，男學生更流淚向圍觀市民表示，「明眼人都知道，1個女仔坐咗喺地鐵度，我望咗幾眼，佢就話我性騷擾啦」，「粉頭」女子則大動作激動反駁，繼續高聲指罵，惟無法聽清楚她在說甚麼，隨後港鐵職員到場處理事件。
據悉，該影片在網絡引發了熱議。有網民指「遇到呢啲爆曬粗無賴，通常只有兩種情況：第一就係笠水走人，第二就係裝腔作勢，不斷爆粗問候人哋娘親。個學生哥兩樣都唔係，不溫不火咁樣去回應返佢哋再等警察介入，EQ好高，叻仔！撐你呀𡃁仔！」更有網民直言「呢個世代，男嘅都要識保護自己！」
亦有網民質疑：該港女如果真的經痛，為何仍能「中氣十足」怒罵事主，質疑該港女無理取鬧、欺善怕惡。