逆天奇案2丨林夏薇換婚紗速度驚人 陳展鵬即場獻技彈琴

TVB熱播劇《逆天奇案2》本周大結局，林夏薇同陳展鵬經歷感情波折後，終於有圓滿收場，兩人喺拍攝呢場試婚紗戲時候，展鵬即場獻技彈琴，薇薇笑言自己係最唔鍾意換衫嘅女演員，兩人三度合作拍婚紗戲，互相稱讚對方保養得宜。

劇中森Sir比較挑剔，要阿Wing不斷換婚紗造型，身旁嘅展鵬讚薇薇身形靚換衫速度好快；展鵬回想影婚紗相嘅難忘回憶，指太太單文柔揀婚紗同禮服好有要求，揀咗4套衫，點知拎衫嗰日電梯壞咗，展鵬為咗愛妻跑上跑落，笑言娶好老婆係需要努力。