徐富貴靜兒拍檔搵真銀 阿Bob投資有道阿Moon跟到實

《美麗戰場》嘅徐富貴同靜兒CP大受歡迎，雖然劇已終，不過 Bob Lam 林盛斌  同 劉佩玥Moon Lau  呢日就齊齊拍檔再以CP身份現身活動搵真銀喇。阿Moon仲話因為阿Bob投資有道，所以不時都會請教對方理財貼士呀。

呢對入圍最受歡迎電視拍檔嘅CP，就話對已經開始接受投票嘅台慶頒獎禮有唔少信心喇，仲話好多謝網上意見對佢哋嘅支持，不過最重要係客戶歡迎，等佢哋更多機會搵真銀咁話喇。

阿Bob每次嘅新聞都新奇又刺激，近日就有指網上一條捉姦片段嘅男主角同佢本人非常相似喇，不過佢就唔多在意呢件事，反而係一向光頭嘅佢接到一個洗髮水代言呢件事更為開心，仲話之後要向女士貼身用品代言同廣告進軍喎。