[電影泉攻略] MC張天賦被衛蘭話寸 自嘲與身高有關丨EP30

[電影泉攻略] 泉叔每周精選心水猛片 花絮加專訪全天候供應

MC張天賦、衛蘭及馮允謙為電影《無敵貓劍俠8+1條命》鬼馬配音，佢哋呢日接受 王鎮泉《電影泉攻略》訪問，當年喺《史力加2》出盡風頭嘅皮靴貓，突然發現9條命得番最後1條，即搵勁敵求助，點知遇上壞人瘋狂追擊。

衛蘭同馮允謙覺得最難係唔識睇中文，衛蘭聲演粗魯「金髮姑娘」，今次衛蘭要壓低把聲去配音，衛蘭喺劇中可以命令熊家族嘅「熊寶寶」，而呢個角色就係MC配音，MC覺得本身聲線起伏大，佢更即場扮唐老鴨講嘢，三人更即場玩扮聲遊戲，用抽中嗰個角色扮聲做訪問，衛蘭抽中「怒漢」、馮允謙抽中「慈祥老人家」、MC抽中「喵尾音」，馮允謙要求換卡，佢哋對話時不斷大笑，又要互相提醒對方奉扮聲！

衛蘭與馮允謙認識多年，第一次見面喺頒獎禮上見面，而衛蘭跟MC第一次見面係喺公司聚會，衛蘭覺得MC有時nice、有時又好寸，MC自嘲係同身高有關：「呢個高度睇到嘅嘢唔係好多，所以我都習慣會向高望，知錯！喵！」