婚後事丨黎諾懿王敏奕爆羅子溢最想露肉 羅天宇裸跑戲要求清場越趕越多人

黎諾懿、王敏奕及羅天宇呢日為TVB熱播劇《婚後事》到電台宣傳，劇集播出至今熱度不斷，羅天宇喺第14集更有一場裸跑戲，坦言劇內奔放劇外怕醜，需要心理準備去拍呢場戲。

諾懿笑指天宇曾要求清場，不過越趕越多人，諾懿更爆賴慰玲特登留低食花生，大家想睇天宇豁出去，好想睇佢挑戰自己，同時給予天宇支持；敏奕被封為最靚第三者，演技大受好評，對於被網民睇好問鼎視后，敏奕感到受寵若驚。

劇中各主角均有大膽戲份，佢哋大爆羅子溢最想露肉，諾懿趁子溢不在場，主動提出「福利」派畀大家，笑言收視好就叫子溢露啲嘢畀大家睇！