婚後事丨潘悅由乖乖小天使驚變叛逆大話妹誠鈞忍痛與明芯分手爆「男人最痛」

TVB話題劇《婚後事》逢周一至五晚九點半翡翠台播映，噚晚（15號）播出第15集，上半敘述視點係明芯，標題為「拒絕再為愛情失控」，下半敘述視點就係誠鈞，標題為「失控才算是徹底的愛過」，兩者皆以失控為主題，結局同樣以告別失控作結。

悅悅啲反叛眼神，勁！潘悅因不滿明芯與 Davey拍拖，以及要一齊掉低善仁移居外國。

劇情講述潘悅（鄭淽月飾）因不滿明芯（陳自瑤飾）與 Davey 誠鈞（黎諾懿飾）拍拖，以及要一齊掉低善仁（羅子溢飾）移居外國，遂變得日益反叛，由乖乖女驚變大話精。面對愛女嘅惡性轉變，明芯大表緊張，明芯為咗愛女，最終決定離開Davey。另邊廂，睇到善仁與明芯關係修補不少，Davey妒火中燒，除咗怒打善仁洩憤，更喺補習課堂上失控發癲，加上捲入非法試卷風波，Davey宣布無限退出補習界！

09 (6).jpg面對愛女嘅惡性轉變，明芯大表緊張。每幕母女對峙戲「戲」勢逼人，誰也搶不了誰的風頭。到底下周悅悅會變成點？

噚晚焦點場口係悅悅與明芯嘅半分鐘對峙戲。明芯發現悅悅講大話、詐病走堂、暗自喺網上出售長笛套現後大為擔心，但為免再度大吵大鬧令母女關係再惡化，明芯以極銳利嘅眼神及聲音，閒聊試探悅悅；面對步步進逼嘅母親，悅悅全情不慌不忙回答，偶爾唧出笑容扮乖，而明芯Ending一句似笑非笑、意有所指講出「你真係超乎我意料之外」，令場口留下不少餘韻。

對於明芯同善仁愈行愈近，Davey 妒火中燒。失控的 Davey 喺課堂上面公開發癲，愛真係可以令人好瘋狂。

對於月月年紀小小演技便如此有層次，難怪網民洗版式大讚好戲，更有網民直指佢係「女版譚真一」；對於囡囡演技大受讚賞，月月父母感謝觀眾喜愛及支持，笑言月月近日即使配戴口罩外出，亦有不少人認出佢係潘悅，令月月大感開心及搞笑。月月媽咪續指，月月私下十分乖巧，即使拍完情緒戲，月月返屋企馬上做回平時嘅自己，果然甚有天份。

呢一幕拍得勁唯美。誠鈞忍痛與明芯分手爆「男人最痛」。

劇集後半部分焦點落喺黎諾懿及飾演長大版悅悅嘅區明妙身上。因為無條件鍾愛明芯而一直備受網民支持及愛戴嘅Davey，噚晚終於不勝妒忌及壓力放棄明芯；與明芯借跳舞作最後擁抱嘅一夜，Davey苦苦道出「男人最痛」愛情語錄，其中一句「但係感激，係唔會長久」及「就算心碎，都係痛快」，令無數網民大表同情兼不勝唏噓，更有網民戥Davey唔抵：「其實Yoyo 有冇真心愛過馬壯？」至於區明妙憑其一身充滿青春氣息嘅貼身少女打扮贏盡熱話，由於童年版悅悅演技太出色，不少網民期待悅悅長大後劇情上會再有驚喜。

區明妙呢身打扮引爆熱議，潘悅疑做第三者！

網民亦期待下周 Mira 能迎來美好結局。