再見‧枕邊人｜張曦雯濕身淋雨透Bra 馬德鐘難抵誘惑一擁入懷

由馬德鐘、黃智雯、張曦雯、羅天宇、徐榮、鄭俊弘、尹詩沛及杜燕歌等主演劇集《再見‧枕邊人》， 除咗找尋真相嘅緊張劇情及動作戲之外，都有啲小品笑料。而喺18日晚嘅劇情就充滿艷麗畫面，先後有葉蒨文同李君妍性感打扮上陣，仲有長腿女神張張曦雯濕身透Bra場面。

張曦雯激罕濕身透 bra 演出！仲自揭拍呢場戲有飲酒壯膽。

張曦雯飾演嘅Rachel被馬德鐘飾演嘅楊萬森發現聯同聞琪（林熹瞳飾）出賣心聲製作公司、並蓄意破壞晴天（黃智雯飾)嘅節目，為咗挽回萬森同情分，Rachel使出誘色招數，不惜買醉兼淋雨玩濕身透bra，向萬森撒嬌。張曦雯透露拍攝呢場色誘戲時，為緩和自己尷尬感覺，的確有飲少少酒進入狀態。

Rachel使出誘色招數向萬森撒嬌。

飾演富家女Evelyn嘅葉蒨文喺18日於劇中首度登場，以超低胸造型亮相同飾演Alex嘅鄭俊弘玩相睇，令向來沉迷女色嘅Alex流晒口水，不過Evelyn句句擊中Alex要害，又明示佢暗病纏身，激到對方恕火沖天。葉蒨文喺呢場戲要以完美體態示人，佢坦言冇刻意瘦身，更稱自己並非瘦身不瘦胸嘅人，認為演員應該對角色作出身體變化，而非以貪靚行先：「我係一個演員，唔係美容KOL，亦唔係偶像派，我嘅身形只會服務角色，如果角色需要，先會專登去增肌或者減脂，只要體重合理、唔影響我塑造角色呈現出嚟嘅形象，肥同瘦對我嚟講唔係好重要。」她又指平日有做運動習慣，定期訓練身體，對於接觸不同角色也有幫助。 

李君妍成為新一代「七彩小背心」繼承人。Kimchi（李君妍飾）著上吊帶小背心配短裙，同「Oppa」長勝（羅天宇飾） 撐枱腳！

呢晚另一性感場口落在飾演Kimchi嘅李君妍身上，佢以吊帶背心配短裙，與傾慕嘅金長勝(羅天宇飾)撐枱腳，更360度環迴轉圈展示悉心嘅打扮，結果引起餐廳男食客舉機影相，長勝即暖男上身，脫下外套遮住Kimchi雙腿，免得被睇蝕。

Alex（鄭俊弘飾）同富家女 Evelyn（葉蒨文飾）相睇，一見到對方即刻流晒口水！葉蒨文以超低胸裝上陣，盡騷驕人身材，昨晚性感登場！

《再見‧枕邊人》，逢周一至五晚八點半翡翠台播映